მართლმადიდებელთა კრება მეოთხე სამუშაო დღეს განიხილავს 2 დოკუმენტის პროექტს: “მარხვის მნიშვნელობა და მისი შენახვა დღეს” და “ქორწინების საიდუმლო და მისი დამაბრკოლებელი მიზეზები”.
დოკუმენტი “მარხვის მნიშვნელობა და მისი შენახვა დღეს” კრების მეცხრე სესიაზე განიხილება, მე-10 და მე-11 სესიები კი განიხილავს დოკუმენტს “ქორწინების საიდუმლო და მისი დამაბრკოლებელი მიზეზები”. სხვადასხვა კანონიკურ საკითხებზე ხანგრძლივი მსჯელობის შემდეგ ადგილობრივი ეკლესიების იერარქებმა დოკუმენტებში გარკვეული შესწორებები შეიტანეს.

იერარქებმა უკვე დაამტკიცეს დოკუმენტი “ავტონომია და მისი გამოცხადების წესი” და ხელმოწერები დაიწყეს.

შეგახსენებთ, რომ დოკუმენტი მარხვის შესახებ 2015 წლის ოქტომბერში შამბეზში ჩატარებულ მე-5 წინასაკრებო შეხვედრაზე იქნა მიღებული, ხოლო დოკუმენტი ქორწინების შესახებ შამბეზში 2016 წლის იანვარში ჩატარებულ შეხვედრაზე. ამ დოკუმენტს ხელი არ მოაწერეს საქართველოსა და ანტიოქიის ეკლესიებმა.

წყარო: http://karibche.ambebi.ge/